ازاى تكون انت وتكون عيون غيرك
وتشوف ضلام نفسك تلمح امل غيرك
ازاى تكون البحر
وتكون شطوط غيرك
ازاى تكون غيرك عيون غيرك امل غيرك
ياااااااااااه
يا غربة العاشقين
يا غربتك يا حنين
لو تتسرق سرقة
من شمس مبتطلعش
الا على الفرقة
من ارض مبتسمعش
الا اهات حرقة
اهات حرقة
الا اهاااااااااااااااااااااااااااااااااات حرقة
الحب للاحزان
والتوهة للانسان
واليأس للأوطان
ايام بدون احساس
قضبان ما بين الناس
حرية للسجان
حلم اللقا هيفور
ولا خلاص النور
مسجون ف كان يا ما كان
انا مش وطن للخوف
ولا الضباب ع الشوف
خد ايدى يا غرقان
خد م الفؤاد حتة
تبقى الحياة انت
وانا مش هكون غيرك
غيرك
انت
----------
تأليف جمال بخيت
الحان فاروق الشرنوبي
توزيع يحي الموجي
من فيلم اسكندريه نيويورك
0 التعليقات:
إرسال تعليق