نظره ونظره كمان
نظره شقاوه ونظره حنان
نظره عشان الليل مايطولشي
نظره عشان الفجر يبان
نظره عشان ان قلت .. ماقولشي
الا من القلب الفرحان
واخد الدنيا بالاحضان
متشوق ايام وليالي
يا جنه وكانت في خيالي
فتحت وشفتها جيالي
ولقيتك في النسمه ريحان
ولقيتك ورده منديه
علي ايدك كان قلبي هديه
احييني بروح الحنيه
واسقيني اسقي العطشان
شفت الدنيا ضي عنيكي
انا قلبي طاير حواليكي
شجر الدنيا زرع ايديكي
وانتي الدنيا والانسان
قلبي كأنه طير الطاير
متعلق في الجو ضفاير
عند ماقام العود الفاير
بيغني احلي الالحان
نظره ونظره كمان
نظره شقاوه ونظره حنان
نظره عشان الليل مايطولشي
نظره عشان الفجر يبان
نظره عشان ان قلت .. ماقولشي
الا من القلب الفرحان
وباغني وماقدرشي اداري
انا باحلم ولا انا مش داري
انا متشوق ليلي نهاري
انا مستني بقالي زمان
بكره الدنيا بحالها هتفرح
كل الارض السمره هتفرح
بكره نلاقي لحبنا مطرح
انا انت في قلب الاوطان
-----------------------------------
نظره
كلمات فؤاد حداد
الحان عبد العظيم عويضه
فيلم المغنواتي
0 التعليقات:
إرسال تعليق