متغربيناش
متغربيناش و تقولي قدر
متوهيناش ف مواني سفر
متضيعيناش في دموع وفراق
حتجيبي منين زينا عشاق
في قلوبنا حصــــاد
في عنينـــا مطــر
متغربيناش
متغربيناش في الأرض البور
وأحنا الزراع
وايدينا سواقي فرح بتدور
رغم الأوجاع
مااحنا الشاريين فدادين النـــور
لو خاين بـــــــاع
متغربيناش
متغربيناش في بلاد بتموت
واحنا الخالدين
يا أول زرعه و أول قوت
ويا أول دين
العمر بدونك ليل بيفــــوت
مهــــزوم وحزيــــن
متغربيناش
متغربيناش في بلاد الريح
واحنا الأحباب
احنا اللي رفضنا تكوني ضريح
في زمن كداب
ضللي بالحب علي المجاريح
وكفايه غيــــاب
متغربيناش و تقولي قدر
متوهيناش ف مواني سفر
متضيعيناش في دموع وفراق
حتجيبي منين زينا عشاق
في قلوبنا حصــــاد
في عنينـــا مطــر
متغربيناش
-----------------------------------
كلمات جمال بخيت
الحان فاروق الشرنوبي
توزيع احمد مصطفي
البوم لم الشمل
0 التعليقات:
إرسال تعليق