شابب علي طراطيف عنواني
كلمات الاغنيه
شابب علي طراطيف عنواني
شايف من هنا منظر تاني
شارب واحد مر لكني
شادد عودي وهات يااغاني
والغنا صابب فيا حياة
والحياة راسماني معاه
والصورة فى العود ماسكاه
وماسكنى في يد الله
ساكن في حشايا ايمان
نسخه مخصصة للانسان
اشفي بوجعي واصفي بدمعي
واطرد يأسي وانا حيران
وانصف غيري وانا مظلوم
وابدر فرحي وانا مهموم
وادفن يومي في قبر النوم
وفي الفجر اتشدد بالله
عارف اني بموتي بأعيش
وطول مأنا ساجد مبنحنيش
وارفع راسي وهى علي كفه
وهو إن طرحني ميقتلنيش
ومعديها بلا اجابات
يكفي وجوده مالينى ثبات
لسه عودي فيه نغمات
عشان متكلي هو الله
----------------------------
كلمات ماهر فايز
الحان ماهر فايز
0 التعليقات:
إرسال تعليق