احنا شعب وانتو شعب 
 
كلمات الاغنيه
 
احنا شعب وانتو شعب 

 ال هز القلب منا عمرو ما هز ليكوا قلب

رغم ان الرب واحد لينا رب وليكو رب

احنا شعب وانتو شعب

احنا عشاق الارادة والحقيقة واليقين


 انتوا تجار المنابر النازلين الصاعدين 

فى المصالح والمناصب الآكلين الشاربين

لما امريكا بتأمر تصرخو بقولت امين 

احنا شعب وانتو شعب 

احنا شايفين ان دينا دعوة للنور والحضارة


 وانتو حاصرتوة فى حكاية توب اوصير او ستارة

احنا شعب وانتو شعب

احنا شافين ابن سينا وابن رشد والحسين

وانتو شافين ابن لادن والكهوف المظلمين

رغم ان الرب واحد لينا رب وليكو رب

احنا شعب وانتو شعب

احنا مصرى بسيط وراضى 

عسكرى جاى من النجوع


 يسمع الراديو الصغير والادان يملاة خشوع

يبعث الليل للي خلقة

يحمى عليتة يزيد فى رزقة 


من دعاة تنزل دموع

عند رب العالمين صدقة من غير فلسفة 


ودي العقيدة فى اى دين

احنا شعب وانتو شعب 

ولان مصر المؤمنة قبل التاريخ فى دمنا

عمرنا ما ها نبقي زيك ولا انت ها تكون زينا

لم غنمك او جمالك والعشيرة والخيام

خد زعيقيك خد صريخك


 خد فتاويك واللجام

 وابعد بعيد عن ارضنا 

لاتكم ولا اننا شعب وانتو شعب

رغم ان الرب واحد لينا رب وليكو رب

احنا شعب وانتو شعب

----------------------------------------

كلمات مدحت العدل

الحان احمد الحجار

توزيع محمد حمدي رؤوف

0 التعليقات:

Popular Posts

Labels