وادينى واديكى
على الطرقات مالينا الهم
لا انا عارف الاقيكى
ولا قلبى عليكى أتلم
أنا وانتى قدر مقدور
أحبك لجل اموت مغدور
واوهبلك ميلاد النور
واغنيلك اغانيكى
يا غنيوة الفؤاد والفم
---
وأدينى يابورسعيد شاعر
حدفنى سهمك الواعر
فتحت القلب سال دمى
على العشب الجميل مرمى
وتهموكى ف موت حلمى
وربك أدرى بالنيات
وبحرك البرئ م الدم
---
وأدينى ف غربة الميادين
وربك الكريم بيعين
وقالولك مسيره يخاف
وانا الاشجع وقلبك شاف
لا انا خاين ولا خواف
انا العاشق وانا المفتون
وانتى يا حبيبتى اهم
----------------------------
كلمات ناصر رشوان
الحان احمد الحجار
توزيع احمد علي الحجار
0 التعليقات:
إرسال تعليق