إرسمها ع الجدران وع البيبان
وانقشها على ورق الشجر فى الريف
إروى عطش كل اللى بات عطشان
وادفع تَمن ما اخترت تبقى شريف!!
وانقشها على ورق الشجر فى الريف
إروى عطش كل اللى بات عطشان
وادفع تَمن ما اخترت تبقى شريف!!
بيكسّروا أياديك يا ابن الناس
علشان تكف عن افتضاح الأمر
لِمّ الفُرَشْ.. وطبَّق الكرَّاس
واقعد فى ضل الصبر.. من غير صبر!!
علشان تكف عن افتضاح الأمر
لِمّ الفُرَشْ.. وطبَّق الكرَّاس
واقعد فى ضل الصبر.. من غير صبر!!
الشهدا سايبين ضلهم ع الارض
ووشوشهم المرميه في الطرقات
الدم صاحي فمين بقي اللي مات
من كل فج الزحف بالملايين
ضد اللى خان فى السرّ أحلامهم
إحنا العدا.. ومافيش عِدا تانيين
دول خُبرا بس فى قتل أوطانهم
ضد اللى خان فى السرّ أحلامهم
إحنا العدا.. ومافيش عِدا تانيين
دول خُبرا بس فى قتل أوطانهم
ياما شبْعت الزنازين من صوتنا
- والسجانين صُبيان للسلاطين -
احنا انتصرنا.. لما هان موتْنا
جيش مين حيغلب صرخة الملايين؟
- والسجانين صُبيان للسلاطين -
احنا انتصرنا.. لما هان موتْنا
جيش مين حيغلب صرخة الملايين؟
ا الشاعر اللى كسّروا حلقُه
بيدوّروا ع النار وع البارود
قتلوك بحقد ومزّعوا وخنقوا
والصوت مازال وسط الجموع بيقود!!.
بيدوّروا ع النار وع البارود
قتلوك بحقد ومزّعوا وخنقوا
والصوت مازال وسط الجموع بيقود!!.
فِدا النِّدا.. بقيت شهيد الثورة
صوتك عبرها.. مدينه بعد مدينة
مازال يعكَّر فى الوشوش العِكرة
صوتك.. وبينوّر وشوش أهالينا
صوتك عبرها.. مدينه بعد مدينة
مازال يعكَّر فى الوشوش العِكرة
صوتك.. وبينوّر وشوش أهالينا
ياما شبْعت الزنازين من صوتنا
- والسجانين صُبيان للسلاطين -
احنا انتصرنا.. لما هان موتْنا
جيش مين حيغلب صرخة الملايين؟
- والسجانين صُبيان للسلاطين -
احنا انتصرنا.. لما هان موتْنا
جيش مين حيغلب صرخة الملايين؟
------------------------------
كلمات عبد الرحمن الابنودي
الحان هيثم توفيق
توزيع احمد شعتوت
0 التعليقات:
إرسال تعليق