راسك فوق يا عاليه الراس
إنتى أشرف م اللى داس
إنتى جميله وإنتى بهيه
وإنتى المنصوره المصريه
إمشى ف شوارعها بحريه
وعهد علينا يا ست الناس
نبقى على عيونك حراس
...
كل شهيد دمه يغطيكى
ضى عيون احمد يفديكى
عادى وجافى
واوعى تخافى
واتعافى
على من يعاديكى
إسندى ضهرى
واقبلى مهرى
ده انا من قهرى
يا حلوه عليكى
لقتل لجلك ميت قناص
...
إنتى نسايم مصر الحره
يامحليه الدنيا المره
جرحك جرحى
وفرحك فرحى
ولجلك اضحى
يا أشرف دره
إنزلى تانى
وغنى اغانى
قولى الجانى
خلاص اتعرى
وبشرفى يا مصر لاينداس
..............
ست الناس
كلمات ناصر رشوان
الحان احمد الحجار
توزيع محمد حمدي رؤوف
البوم ضحكه وطن
0 التعليقات:
إرسال تعليق