يا صاحبي عاتب مصر و داديها
إنت اللي روحك من زمان فيها
توأم في لحظة عشق .. مولودين
سامعة أنيني و ساكتة ليه يا مصر؟
الحلم .. فارشين بيه في سوق العصر
قدام عينين اللي ماليهش عينين
الحرب و اللي خاضوها بجسارة
كانوا مسلمين يا عم و نصارى
فإزاي نناصر دين و ننكر دين؟
ياللي دمعتي .. رجعي الدمعه
الدنيا شايفة كلها و سامعة
و اللي سرق هيخبي شيلته فين
هما اللي ماتوا في ميدان الثورة
كانت دماهم حمرا ولا سمرا؟
قول للي جايين يفرزوا الدمين
كل اللي زرعوا ما بينا سور الفرقة
و بيقسمونا فرقة تكره فرقة
في النية .. مصر الواحدة تبقى إتنين
طلع من الساقية نقع في طاحون
فأشهد يا وطني عاللي فينا يخون
ياللي إنت ماسك دفتر الخاينين
راح تفضل العصافير على الشبابيك
و الفجر يستنى آدان الديك
وطن و حلم و ثوره .. متعانقين!
---------------------
كلمات عبد الرحمن الأبنودي
الحان فاروق الشرنوبي
توزيه محمد حمدي رؤوف
0 التعليقات:
إرسال تعليق