إرفع إيدينك يا ولا
و إدعي بدال الولولة
يا رب يبتليه بالبلا
و تمسك دماغه البلبلة
كل اللي صابنا بالفلس
و رمانا جوا المهزلة
إدعوا على اللي ميرحموش
أصحاب معالي أو كروش
لو جم يناموا ميعرفوش
و تصيب عيونهم فنجلة
و تصيب عروشهم زلزلة
إدعوا عليهم بالجنان
و بالخرس يوم الإمتحان
و بالفضيحة فالميدان
و بالعتة و الدهولة
و الزغللة و البهدلة
يهل البلد يا مفلسين
مماليكنا ليه متملكين
سيبوا الدعا و قولة آمين
و قوموا حلوا المسألة
و لا البطولة مؤجلة
---------------------------------
كلمات جمال بخيت
الحان حمدي رؤوف
مسلسل السائرون نياما
0 التعليقات:
إرسال تعليق