و حبيتك شجر طارح
بيرمى ضله ع الحران
مواسم عشق .. و مطارح
بتعشق خطوة الإنسان
و حبيتك طفولة عيد
و قلب بيسبق المواعيد
و ليل بالضى متحنى
بيبعت لينا فجر جديد
أنا أهلك و أنا ناسِك
فى محراب الهوا .. ناسك
و أنا فى الغربة وناسك
و ناسك طيبة و سماحة
أنا الحب اللى فاضلك
باعيش أحلامى فى ضلك
و عمر الخطوة ما تضلك
و ضلك للغُنا واحة
و حبيتك
شجر طارح
بيرمى ضله ع الحران
مواسم عشق .. و مطارح
بتعشق خطوة الإنسان
------------------------------
وحبيتك
كلمات ابراهيم عبد الفتاح
الحان عطيه محمود
توزيع احمد مصطفي
البوم لسه الكلام
0 التعليقات:
إرسال تعليق