قناديل علي بوابه منسيه
قلبي كأنه نيل بلا ميه
كانوا هنا الأحباب
قلوب بلا أبواب
كنسوا صفاهم ريح معديه
قناديل علي بوابه منسيه
قناديل
شباييك كانت بتضوي وتسكت
النور اذا ينطق بيتسكت
عيون ما عرفت دمعها من قبل
وكأنما جه حد حل الحبل
ياللي سامعنا قول
دموع دي ولا خيول
محبوسه واتفكت
يا خلق تكره كل شئ جميل
يا عباد تبات عقلا تقوم مخابيل
كيف خي عز عليه وجود خيه
وكيف قابيل اشتاق لدم هابيل
نرحل ما نرحل السكك طالت
والشمس رجعت بعد ما مالت
يااه ع الليالي وحسها العالي
تيجي علي اللي قلبهم خالي
وتقتل الضحكه اللي بتلالي
الضحكه ترجع تاني مطفيه
قناديل
--------------------------
كلمات عبد الرحمن الابنودي
الحان عمار الشريعي
تتر البدايه لمسلسل وادي الملوك
كلام بسيط لكنه عميق ومن لسان الناس
ردحذف